Shri Navagraha Chalisa
॥ दोहा ॥
श्री गणपति गुरुपद कमल,प्रेम सहित सिरनाय।
नवग्रह चालीसा कहत,शारद होत सहाय॥
जय जय रवि शशि सोम बुध,जय गुरु भृगु शनि राज।
जयति राहु अरु केतु ग्रह,करहु अनुग्रह आज॥
॥ चौपाई ॥
श्री सूर्य स्तुति
प्रथमहि रवि कहँ नावौं माथा।करहुं कृपा जनि जानि अनाथा॥
हे आदित्य दिवाकर भानू।मैं मति मन्द महा अज्ञानू॥
अब निज जन कहँ हरहु कलेषा।दिनकर द्वादश रूप दिनेशा॥
नमो भास्कर सूर्य प्रभाकर।अर्क मित्र अघ मोघ क्षमाकर॥
श्री चन्द्र स्तुति
शशि मयंक रजनीपति स्वामी।चन्द्र कलानिधि नमो नमामि॥
राकापति हिमांशु राकेशा।प्रणवत जन तन हरहुं कलेशा॥
सोम इन्दु विधु शान्ति सुधाकर।शीत रश्मि औषधि निशाकर॥
तुम्हीं शोभित सुन्दर भाल महेशा।शरण शरण जन हरहुं कलेशा॥
श्री मङ्गल स्तुति
जय जय जय मंगल सुखदाता।लोहित भौमादिक विख्याता॥
अंगारक कुज रुज ऋणहारी।करहु दया यही विनय हमारी॥
हे महिसुत छितिसुत सुखराशी।लोहितांग जय जन अघनाशी॥
अगम अमंगल अब हर लीजै।सकल मनोरथ पूरण कीजै॥
श्री बुध स्तुति
जय शशि नन्दन बुध महाराजा।करहु सकल जन कहँ शुभ काजा॥
दीजैबुद्धि बल सुमति सुजाना।कठिन कष्ट हरि करि कल्याणा॥
हे तारासुत रोहिणी नन्दन।चन्द्रसुवन दुख द्वन्द्व निकन्दन॥
पूजहु आस दास कहु स्वामी।प्रणत पाल प्रभु नमो नमामी॥
श्री बृहस्पति स्तुति
जयति जयति जय श्री गुरुदेवा।करों सदा तुम्हरी प्रभु सेवा॥
देवाचार्य तुम देव गुरु ज्ञानी।इन्द्र पुरोहित विद्यादानी॥
वाचस्पति बागीश उदारा।जीव बृहस्पति नाम तुम्हारा॥
विद्या सिन्धु अंगिरा नामा।करहु सकल विधि पूरण कामा॥
श्री शुक्र स्तुति
शुक्र देव पद तल जल जाता।दास निरन्तन ध्यान लगाता॥
हे उशना भार्गव भृगु नन्दन।दैत्य पुरोहित दुष्ट निकन्दन॥
भृगुकुल भूषण दूषण हारी।हरहु नेष्ट ग्रह करहु सुखारी॥
तुहि द्विजबर जोशी सिरताजा।नर शरीर के तुमहीं राजा॥
श्री शनि स्तुति
जय श्री शनिदेव रवि नन्दन।जय कृष्णो सौरी जगवन्दन॥
पिंगल मन्द रौद्र यम नामा।वप्र आदि कोणस्थ ललामा॥
वक्र दृष्टि पिप्पल तन साजा।क्षण महँ करत रंक क्षण राजा॥
ललत स्वर्ण पद करत निहाला।हरहु विपत्ति छाया के लाला॥
श्री राहु स्तुति
जय जय राहु गगन प्रविसइया।तुमही चन्द्र आदित्य ग्रसइया॥
रवि शशि अरि स्वर्भानु धारा।शिखी आदि बहु नाम तुम्हारा॥
सैहिंकेय तुम निशाचर राजा।अर्धकाय जग राखहु लाजा॥
यदि ग्रह समय पाय कहिं आवहु।सदा शान्ति और सुख उपजावहु॥
श्री केतु स्तुति
जय श्री केतु कठिन दुखहारी।करहु सुजन हित मंगलकारी॥
ध्वजयुत रुण्ड रूप विकराला।घोर रौद्रतन अघमन काला॥
शिखी तारिका ग्रह बलवान।महा प्रताप न तेज ठिकाना॥
वाहन मीन महा शुभकारी।दीजै शान्ति दया उर धारी॥
नवग्रह शान्ति फल
तीरथराज प्रयाग सुपासा।बसै राम के सुन्दर दासा॥
ककरा ग्रामहिं पुरे-तिवारी।दुर्वासाश्रम जन दुख हारी॥
नव-ग्रह शान्ति लिख्यो सुख हेतु।जन तन कष्ट उतारण सेतू॥
जो नित पाठ करै चित लावै।सब सुख भोगि परम पद पावै॥
॥ दोहा ॥
धन्य नवग्रह देव प्रभु,महिमा अगम अपार।
चित नव मंगल मोद गृह,जगत जनन सुखद्वार॥
यह चालीसा नवोग्रह,विरचित सुन्दरदास।
पढ़त प्रेम सुत बढ़त सुख,सर्वानन्द हुलास॥
॥ Doha ॥
Shri Ganapati Gurupada Kamala,Prema Sahita Siranaya।
Navagraha Chalisa Kahata,Sharada Hota Sahaya॥
Jaya Jaya Ravi Shashi Soma Budha,Jaya Guru Bhrigu Shani Raja।
Jayati Rahu Aru Ketu Graha,Karahu Anugraha Aja॥
॥ Chaupai ॥
Shri Surya Stuti
Prathamahi Ravi Kahan Navaun Matha।Karahun Kripa Jani Jani Anatha॥
He Aditya Divakara Bhanu।Main Mati Manda Maha Ajnanu॥
Aba Nija Jana Kahan Harahu Kalesha।Dinakara Dvadasha Rupa Dinesha॥
Namo Bhaskara Surya Prabhakara।Arka Mitra Agha Mogha Kshamakara॥
Shri Chandra Stuti
Shashi Mayanka Rajanipati Svami।Chandra Kalanidhi Namo Namami॥
Rakapati Himanshu Rakesha।Pranavata Jana Tana Harahun Kalesha॥
Soma Indu Vidhu Shanti Sudhakara।Shita Rashmi Aushadhi Nishakara॥
Tumhin Shobhita Sundara Bhala Mahesha।Sharana Sharana Jana Harahun Kalesha॥
Shri Mangala Stuti
Jaya Jaya Jaya Mangala Sukhadata।Lohita Bhaumadika Vikhyata॥
Angaraka Kuja Ruja Rinahari।Karahu Daya Yahi Vinaya Hamari॥
He Mahisuta Chhitisuta Sukharashi।Lohitanga Jaya Jana Aghanashi॥
Agama Amangala Aba Hara Lijai।Sakala Manoratha Purana Kijai॥
Shri Budha Stuti
Jaya Shashi Nandana Budha Maharaja।Karahu Sakala Jana Kahan Shubha Kaja॥
Dijaibuddhi Bala Sumati Sujana।Kathina Kashta Hari Kari Kalyana॥
He Tarasuta Rohini Nandana।Chandrasuvana Dukha Dvandva Nikandana॥
Pujahu Asa Dasa Kahu Svami।Pranata Pala Prabhu Namo Namami॥
Shri Brihaspati Stuti
Jayati Jayati Jaya Shri Gurudeva।Karon Sada Tumhari Prabhu Seva॥
Devacharya Tuma Deva Guru Jnani।Indra Purohita Vidyadani॥
Vachaspati Bagisha Udara।Jiva Brihaspati Nama Tumhara॥
Vidya Sindhu Angira Nama।Karahu Sakala Vidhi Purana Kama॥
Shri Shukra Stuti
Shukra Deva Pada Tala Jala Jata।Dasa Nirantana Dhyana Lagata॥
He Ushana Bhargava Bhrigu Nandana।Daitya Purohita Dushta Nikandana॥
Bhrigukula Bhushana Dushana Hari।Harahu Neshta Graha Karahu Sukhari॥
Tuhi Dvijabara Joshi Sirataja।Nara Sharira Ke Tumahin Raja॥
Shri Shani Stuti
Jaya Shri Shanideva Ravi Nandana।Jaya Krishno Sauri Jagavandana॥
Pingala Manda Raudra Yama Nama।Vapra Adi Konastha Lalama॥
Vakra Drishti Pippala Tana Saja।Kshana Mahan Karata Ranka Kshana Raja॥
Lalata Svarna Pada Karata Nihala।Harahu Vipatti Chhaya Ke Lala॥
Shri Rahu Stuti
Jaya Jaya Rahu Gagana Pravisaiya।Tumahi Chandra Aditya Grasaiya॥
Ravi Shashi Ari Svarbhanu Dhara।Shikhi Adi Bahu Nama Tumhara॥
Saihinkeya Tuma Nishachara Raja।Ardhakaya Jaga Rakhahu Laja॥
Yadi Graha Samaya Paya Kahin Avahu।Sada Shanti Aura Sukha Upajavahu॥
Shri Ketu Stuti
Jaya Shri Ketu Kathina Dukhahari।Karahu Sujana Hita Mangalakari॥
Dhvajayuta Runda Rupa Vikarala।Ghora Raudratana Aghamana Kala॥
Shikhi Tarika Graha Balavana।Maha Pratapa Na Teja Thikana॥
Vahana Mina Maha Shubhakari।Dijai Shanti Daya Ura Dhari॥
Navagraha Shanti Phala
Tiratharaja Prayaga Supasa।Basai Rama Ke Sundara Dasa॥
Kakara Gramahin Pure-Tivari।Durvasashrama Jana Dukha Hari॥
Nava-Graha Shanti Likhyo Sukha Hetu।Jana Tana Kashta Utarana Setu॥
Jo Nita Patha Karai Chita Lavai।Saba Sukha Bhogi Parama Pada Pavai॥
॥ Doha ॥
Dhanya Navagraha Deva Prabhu,Mahima Agama Apara।
Chita Nava Mangala Moda Griha,Jagata Janana Sukhadvara॥
Yaha Chalisa Navograha,Virachita Sundaradasa।
Padhata Prema Suta Badhata Sukha,Sarvananda Hulasa॥
